Ang Akong Pamalandong [August 18, 2018] John 6:51-58...

20^th Sunday in Ordinary Time

John 6:51-58

Daghan ang maghunahuna (apil ang mga Katoliko nga wala makasabot) nga ang sagrado nga Ostya “simbolo” lamang sa presensya sa Dios. Apan sayop kini nga pagtoo. Dili kini mao.

Ang kamatuoran mao nga si Jesus tinuod gayod nga anaa sa Ostya ug Bino nga gikonsagrahan sulod sa Santos nga Misa. Sa Katapusang Panihapon, siya miingon samtang mitunol sa pan ug bino, “Kini mao ang akong lawas... Kini mao ang akong dugo” (1 Cor 11:24-25).

Wala gayod siya moingon nga kini mao ang simbolo sa akong lawas ug dugo. Sa atong ebanghelyo karon, si Cristo namulong, “Ang akong unod mao ang matuod nga kalan-on, ug ang akong dugo mao ang matuod nga ilimnon.” Si Kristo gayod ang Pan sa Kinabuhi.

Kini ang misteryo sa Eukaristiya nga gihuptan sa Katolikong Simbahan. Dili unta kita magduhaduha niini, hinoon motuo kita.

We have a proverb that goes like this: “You are with what you eat.”

Karon, ang atong pagpangalawat magdala ug maghimo unta kanato nga maghunahuna sama ni Jesus, mo sulti sama ni Jesus ug mobuhat sama ni Jesus. Sa ato pa, ang kanunay natong pagpangalawat magdala ug maghimo unta nato sama nga ni Jesus. Amen…

God is love...

God bless us always...