Ang Akong Pamalandong [August 25, 2018] John 6:60-69...
21st Sunday in Ordinary Time
John 6:60-69
Ang atong Ebanghelyo karon, naghisgot
mahitungod sa epekto sa mga pagtulon-an ni Jesus bahin sa Yukaristiya ngadto sa iyang mga tinun-an ug sa mga
katawhan. Sa katapusan sa iyang diskurso bahin sa Pan sa Kinabuhi si Jesus
miingon: (Sultihan ko kamo: kondili kamo
mokaon sa Unod sa Tawo ug dili moinom sa iyang Dugo, dili kamo makabaton ug
kinabuhi). Sa Pagkadungog sa mga katawhan ug sa mga tinun-an ni Jesus niini
miingon sila: (Lisod kaayong dawaton
kining pagtulon-ana. Kinsa bay makasabut niini?).
Unya mabasa
nato ang usa ka masulob-on kaayo pamalandungan: (Tungod niini daghan sa iyang nga tinun-an mibiya ug wala na gayod
mokuyog kaniya).
Si Jesus wala mipugong sa mga mibiya
kaniya nga wala makadawat sa iyang mga pagtulon-an kay wala man sila masayod sa
iyang mga katuyoan niini. Sa pagkakita niya sa mga namiya, iyang gipangutana
ang iyang napulog-duha ka mga tinun-an: Kamo, mobiya ba usab kamo kanako? Si
Pedro mitubag isip representante sa napulog-duha ka mga tinun-an: (Ginoo, kinsa
may among kapaingnan? Anaa kanimo ang mga pulong nga naghatag og kinabuhing
walay katapusan). Makita nato nga ang napulog-duha wala gayod mibiya kang Jesus
tungod kay lawum na ang ilang pagtuo ug kasinatian diha kaniya.
Ang matagpanahon adunay nagkadaiyang
mga hagit sa kinabuhi sa mga tawo. Karon, kini nga panghitabo nasinati ni Jesus
sa iyang pagtudlo bahin sa Pan sa Kinabuhi sa iyang pagpangalagad sa iyang kapanahonan.
Sa atong panahon karon, anaay mga
pagtulun-an sa atong Simbahan nga giataki sa tibuok kalibutan, for example: the
teachings of the Church on marriage
and on abortion… Ang pagtulon-an
bahin sa Kaminyuon ug Pagpunit…
Ang mga Katoliko nga dili modawat sa
pagtulon-an sa atong Simbahan sama ra sa mga tawo nga wala mi dawat kang Jesus
kaniadto. Kay ang pagtulon-an sa atong Simbahan nakabasi man kini sa Iyang
pagtulon-an, kang Jesus - kay Iya man kining Simbahan.
Mag-ampo kita sa tanang mga bana ug
asawa nga midawat sa Sakramento sa Kaminyuon, nga hatagan nila kini og bili
hangtud sa ilang kamatayon. Mag-ampo usab kita sa tanang kababaehan nga mga
buros karun nga higugmaon nila ang bata nga ilang gisabak ug magmalipayon sila sa
pagpaabot sa pagkatawo niini kay kini gasa man sa Dios. Mag-ampo usab kita nga
kaloy-an ug pasayloon sa Dios ang dili maihap na mga inahan sa tibuok kalibutan
nga nagpapunit. Sa Katapusan, iampo nato ang tanang katawhan ug ang
panggamhanan nga anaa unta sila kanunay sa pagpanalipod ug pagdapig sa kinabuhi
sa tawo (prolife) ug sa kinaiyahan.
Ato kining buhaton nga puno sa pagtuo
sa gahum sa Dios. Sama kang Pedro nga miingon: “Ginoo, kinsa may among kapaingnan? Anaa kanimo ang mga pulong nga
naghatag og kinabuhing walay katapusan.” Amen…
God is love...
God bless us...
