Ang Akong Pamalandong [September 01, 2018] Marcos 7:1-8, 14-15, 21-23...
22nd
Sunday in Ordinary Time
Marcos 7:1-8, 14-15, 21-23
Daghan matang ang kapunugan sa mga tawo karong panahona.
Matag pundok adunay nagkadaiyang timailhan nga mopalahi sa mga sakop niini ngadto
sa uban. Kining tamailhan anaa usab sa matag relihiyon. Aduna poy mga butang o
buluhaton nga makapalahi sa usa ka relihiyosong pundok ngadto sa uban.
Adunay mga timailhan ang mga Judio nga mopalahi kanila
sa uban. Ang gamut niini mao ang ilang paninguha nga ilhon ang kabalaan sa
Hiniusang Dios. Usa ra ang Dios ug wala nay uban.
Mao nga tulion dayon nila ang bata inig-abot og walo ka
adlaw. Adunay mga mananap nga gidili ang pagkaon. Matag Sabado mopahulay sila
timailhan sa kahalangdon ug gahum sa Dios.
Kining mga butanga dili baya ngil-ad o lain, apan
naghisgot ang Ebanghelyo sa pipila ka higayon diin mahimong sukwahi ang maong
relihiyosong buluhaton sa Diosnong pagtulun-an.
Usa niini, mao ang pagpanghugas sa kamot nga sa
panghunahuna sa mga Judio maoy mohimo nilang takos sa pagpakig-atubang sa Ginoo
diha sa pag-ampo. Dili kagaw ang gitangtang, kondili mga butang, sama sa abog
nga gilakwan sa mga Hentil, nga makapa-“hugaw” sa tumutuo atubangan sa Dios.
Usahay pulihan usab ang pagtulun-an sa Dios sa usa ka
tawhanong pagtulun-an. Kung niadtong niaging Dominggo naghisgot kita bahin sa
mga pagtulun-an sa Simbahan nga gikontra ug giatake sa kalibutan karun, karun
maghisgot na usab kita ug mga pagtulun-an sa Dios nga gipulihan og pagtulun-an
sa tawo, for example: Ang ikalimang sugo nga “Ayaw pagpatay”, karon yano na
kaayo sa tawo ang pagpatay. Grabe na kaayo, adlaw-adlaw adunay balita nga
gipatay. Patyon kay nakasala, patyon kay nakabuhat og dautan. Mao ba kaha nay
tubag sa problema? Sayop kini.
Alang kang Jesus ang tinuoray nga relihiyon adunay
kalambigitan sa kasingkasing sa tawo, dili ang Makita sa gawas: “Ang mosulod sa
baba sa tawo dili makahugaw kaniya, kay kini dili man mosulod sa iyang
kasingkasing kondili ngadto man sa iyang tiyan, ug unya mogula usab sa lawas…
Ang makahugaw sa tawo mao kadtong mogula kaniya.”
Bitaw ang kahinlo magsugod sa kasingkasing sa tawo. Kon
puno ang atong kahiladman sa Dios, ang mogula sa atong baba mga pulong nga
maayo ug makita kini sa mga buhat nga mahigugmaon. Amen…
God is love...
Gob bless us always...
