Immaculate Conception [December 08, 2017] Luke 1:26-38...
Solemnity of the Immaculate Conception of the Blessed
Virgin Mary
Immaculada
Concepcion ni Santa Maria
Luke 1:26-38
Kung
magbuhat kita og usa ka butang nga mahinungdanon, dili lang kini nga basta
buhaton nato, kondili ato kining planuhon ug pangandaman pag-ayo. Ug ang
pagpangandam nga atong buhaton nakabalanse kini sa ka bililhon sa atong
paggabuhaton.
Ang
Dios sama usab niana. Bag-o siya naghimo og tawo, giandam una niya ang
kalibutan. Ug ang pinakadakong proyekto sa Dios sa kalibutan mao ang pagluwas
sa tanang katawhan pinaagi sa iyang bugtong Anak nga ipakatawo sa usa ka babae.
Ug mao kini ang hinungdan nga Iyang giandam ang usa ka babae nga mao si Santa
Maria nga maoy mamahimo nga Inahan sa iyang bugtong Anak nga magpakatawo uban
kanato.
Sa
pag-andam og sakto ug angayan nga inahan sa iyang Anak, ang Amahan mihatag og
talagsaon nga prebelihiyo kang Santa Maria. He gave her the most special grace
of the Immaculate Conception. Unsa may buot ipasabot niini: usa ra
siya (alone or only) sa tanang mga anak ni Adan ug Eva nga wala hikawi sa
pagkabulahan ug grasya ug wala mabulingi sa salang panulundon, ug gihatagan sa
usa ka gasa sa pagkabulahan sa dihang nahimo siyang tawo. Natawo siya nga walay
buling. Dili kini tungod sa iyang pagkaangayan ang iyang nadawat kondili tungod
sa iyang Anak. Si Santa Maria nauna nga nakadawat sa kaluwasan nga gihimo
kaniya una sa Dios.
Karon,
ang Immaculada Concepcion ni Santa Maria usa ka grasya nga gihatag sa Dios kang
Santa Maria nga kabahin alang sa atong kaluwasan, isip usa ka plano sa Dios sa
pagluwas kanato. Ang Immaculada Concepcion ni Santa Maria dili lamang usa ka
gasa alang kaniya, kondili usa usab ka gasa alang kanato. Mao ng adunay kitay
espisyal nga rason nganong ato kining gisaulog karong adlawa nga puno sa
kadasig. Ang Immaculada Concepcion ni Santa Maria usa ka espisyal nga bunga sa
pagpangluwas ni Cristo nga gihatag kang Santa Maria tungod ug alang
kanato.
Ug
kini nadungog nato diha nga si Santa Maria midawat sa kabubut-on sa Dios. Ang
Iyang pag-tubag og “Oo o Yes” – ug miingon siya sa angel - Sulugoon ako sa Ginoo; mahitabo unta kanako
ang imong gisulti. “Behold, I am the handmaid of the Lord. May it be done to me
according to your word.”
Wala
man kita gipanganak nga walay buling apan nawagtang ang atong mga salang panulondon
pinaagi sa Bunyag nga atong nadawat. Makaambit usab kita kang Santa Maria sa
iyang pagsalikway sa sala ug pagsunod sa kabubut-on sa Dios.
Karun,
magdecision kita nga magpuyo nga walay sala nga possible. Isalikway nato ang
mga sala, from which Mama Mary was completely exempted by God. Isalikway nato
ang atong mga sala, dili lamang diha sa atong personal nga kinabuhi kundili
diha usab sa atong katilingban nga gipoy-an ug sa nasud nga atong nahimotangan.
Isalikway nato ang atong mga sala diha sa atong pagpakigrelasyon sa uban, sa
atong panimalay, diha sa pagnegosyo, diha sa politika, ug diha sa pag-atiman
nato sa atong kaugalingon.
Wala
man kita makadawat sa gasa nga nadawat ni Santa Maria, apan maningkamot kita sa
paghinulsol sa atong mga sala. Magbag-o na kita sa atong kinabuhi. Ug ipadayon
nato ang paghatag og bili sa atong Inahan nga si Santa Maria ug ang atong
pagdebosyon kaniya. Ug pinaagi niini makaangkon usab kita sa grasya nga gibubo
sa Dios ni Santa Maria. Amen…
God is love...
God bless us...
