Ang Akong Simpling Pamalandong [December 10, 2017] Mark 1:1-8...
2nd Sunday of Advent
Marcos 1:1-8
Unsa may atong andamon
alang sa pag-abot sa Ginoo?
Adunay duh aka klase sa
pagpangandam: una, pagpangandam sa
usa ka umaabot nga panghitabo nga nasayod na kitang daan. Ikaduha, pagpangandam sa usa umaabot nga panghitabo nga wala kita masayod. Asa may mas sayon
pangandaman niini?
Sa atong Ebanghelyo,
gihulagway si San Juan nga mao ang tingog nga nagsinggit: “Andama ninyo ang
dalan alang sa Ginoo, hawani ninyo ang iyang agianan!” “Hinulsoli ug biyai ang
inyong mga sala ug pabunyag kamo ug pasayloon kamo sa Dios!”
Ang pagpangandam nga
gipanawagan ni San Juan dili materyal kondili espiritwal.
Ang dalan nga agi-an sa
Ginoo mao ang dalan padulong sa atong kasingkasing nga maoy sentro sa atong
kinabuhi.
Sa atong pagpaabot sa
Mesiyas, kinahanglan nga atong basolan ang mga sala, hunongon ang kalaog, ug
wagtangon ang mga kasuko ug pagdumot.
Niining higayona, daghan
kanato ang makasinati sa tinuod nga kalipay ug kalinaw sa umaabot nga
kapaskohan.
Hinaot nga dili kita
malimot sa labing mahinungdanong pagpangandam nga mao ang atong pagpakighiuli sa Ginoo ug sa atong isigkatawo. Amen…
God is love...
God bless us...
