Ang Akong Pamalandong [July 28, 2018] John 6:1-15...
17th
Sunday in Ordinary Time
John
6:1-15
Sa
atong Ebanghelyo karon, makita ug mabati nato ang pagkatawhanon nga bahin ni
Jesus. Mao kini ang iyang pagkamaloloy-on, pagkamapinanggaon ug pagkamaayo. Sa
dihang nakita ni Jesus ang mga tawo, nakita niya ang ilang mga panginahanglan. Iyang
nabati ang gusto sa mga tawo. Nagpakabana siya sa mga panginahanglan nila. Ug
gitubag ni Jesus ang tanan.
Karon,
ang pagkamaloloy-on, pagkamapinanggaon ug pagkamaayo ni Jesus nahimong hagit
kanto. Kini nagpasabot nga kinahanglan mobati ug mobuhat usab kita og sama
Kaniya, moserbisyo ug moalagad sa tanan. Walay pillion ug walay palabihon. Ug
kini wala magpasabot nga kita motabang lamang kung adunay ato nga
ikahatag. Dili nato sayangon ang panahon
ug ang higayon sa pagpakabana ug sa pagtabang labi na gayud sa mga
nanginahanglan.
Nan karon, nganong kinahanglan man makamao kita motabang ug mopaambit bisan sa gamay nga anaa sa ato?
Sa atong Ebanghelyo karon, adunay kapin o kulang sa 5000 ka
mga sumusunod ni Cristo nga naabtan sa kagutom. Labing siguro adunay nagdala
kanila og pagkaon, apan walay buot mopaambit gawas sa usa ka batang lalaki nga
nagdala og 5 ka pan ug 2 ka isda.
Ang bata kabos (tungod kay ang pan nga iyang dala “pan
sebada”, pagkaon sa kabos), apan dato siyag kasingkasing. Tungod sa iyang
kaayo, nahitabo ang milagro sa pagpadaghan sa pagkaon nga nakabusog sa daghang
mga tawo.
Karon,
gihagit kita sa pagbuhat og kaayohan ug sa pagkamanggihatagon, ug adunay duha
ka butang na angay natong buhaton.
Una, gitawag
kita sa pagpaambit. We must do something for these people in need…
Ikaduha, gitawag kita sa paghalad sa atong kaugalingon ug paghatag
kaniya sa tanan nga anaa kanato. Miracles happen when you and I are
gracious enough to help and to give…
Sama sa bata, angay kitang magmanggihatagon tungod kay
daghang tawo ang gigutom ug nanginahanglan. Kon ato ning mahimo, aduna gayoy
mahitabong daghan ug dagkong milagro kanato. Amen…
God is love...
God bless us always...
