Ang Akong Pamalandong [April 15, 2018] Lukas 24:35-48...
3rd SUNDAY OF EASTER
Lukas 24:35-48
Unsa
may buot ni Jesus nga ipasabot sa katapusan nga bahin sa atong Ebanghelyo karon
sa iyang pag-ingon: “Kamo mga saksi niining mga butanga.” [You are witnesses of
these things].
Unsa
may buot ni Jesus nga pamatud-an sa iyang mga tinun-an sa kalibutan?
Ang
una
mao ang Iyang pagkabanhaw. Tinuod
gayud nga nabanhaw si Jesus. Siya usa ka Dios nga buhi dili patay. Gisakit Siya
ug gipatay sa mga dautan, apan wala Siya magpabilin sa lubnganan. Nagmadaugon Siya
batok sa sala ug kamatayon, ug tungod niini, ang Iyang mga sumusunod makalaum gayud
sa kinabuhing dayon. Ug mao usab kini ang nagpamatuod nga ang atong Simbahan
buhi hangtud karon.
Ug ang ikaduha
mao ang mensahe mahitungod sa paghinulsol
ug sa pagpasaylo sa mga sala. Si
Jesus usa ka Dios nga maloloy-on. Ug niadtong mi-aging dominggo gisaulog nato: Ang
Kapistahan sa Diosnong Kalooy. Ug
ang pulong sa Ginoo nga nadawat
ni Santa Faustina mao kini: “Ang katawhan sa kalibutan dili makaangkon
og kalinaw hangtod nga mo salig sila sa akong kalooy.”
Kung atong pamalandungan pag-ayo, ang mga mabudhiong tinun-an o mga
apostoles maoy una nga nakadawat sa pasaylo sa Nabanhaw'ng Ginoo. Busa, sila
ang gitahasan sa pagsangyaw niini sa tibuok kalibutan.
Nan
karon, kita nga nakadungog na niini sukad pa kaniadto gikan sa atong mga
katigulangan, unsa may atong buhaton?
Ato
usab kining paningkamutan nga mapuy-an sa atong kinabuhi sa atong kapanahonan
karon.
Isangyaw
nato ang nabanhawng Ginoo pinaagi diha sa pagpadayag sa atong pagtuo nga buhi
sa atong isigkatawo.
Ug
ang bunga niini mao ang atong pagbag-o, pagkamapasayloon ug pagkamapinanggaon
sa atong isigkaingon. Amen…
God is love...
God bless us always...
