Ang Akong Pamalandong [April 8, 2018] John 20:19-31...

Divine Mercy Sunday
Ang Kapistahan sa Diosnong Kalooy

John 20:19-31

Ang katawhan sa kalibutan dili makaangkon og kalinaw hangtod nga mo salig sila sa akong kalooy [Pulong sa Ginoo nga nadawat ni Santa Faustina].

“No one can be excluded from God’s Mercy,” [Pope Francis].

And in the diary of St. Faustina, it is written: “I am more generous towards sinners than toward the just. It was for their sake that I came down from heaven; it was for their sake that my Blood was spilled. Let them not fear to approach me; they are most in need of My Mercy.”

Ang Dios gugma ug puno siya sa kaluoy. Ang iyang dakong gugma iyang gipadayag kanato pinaagi ni Jesucristo, iyang bugtong Anak.

Matud pa ni San Pablo: “Dako kaayo ang kaluoy ug gugma sa Dios alang kanato. Bisan gani nga kaniadto patay na kita sa espiritu tungod sa atong pagkadautan, gibanhaw kita niya uban kang Cristo. Naluwas kamo tungod sa grasya sa Dios” [Efeso 2:4].

Si Jesus miingon: “Busa pagmaloloy-on kamo sama nga maluluy-on ang inyong Amahan” [Lucas 6:36].

Si Jesus nagtudlo usab kanato: “Bulahan ang maluluy-on kay kaloy-an sila sa Dios!” [Mateo 5:7].

Ang mensahe sa Diosnong Kaluoy sama usab sa mensahe sa kinatibok-an sa Ebanghelyo: Higugmaa ang Dios ug higugmaa ang imong isig-katawo.

Unsa man ang mga pamaagi nga kita makahimo og mga buhat sa kalooy ug gugma diha sa atong isig-katawo sa matag-adlaw sa atong kinabuhi? Daghan ang mga pamaagi. Karon hatagan ko kamo og pito ka mga pamaagi:

1.] Bisitahe ang mga masakiton ug ang mga nag-inusara ug pamaliti sila ug serbisyohe ang panginahanglan nila. 

2.] Bisitahe ang mga binilanggo, paminawa ug dasiga sila. 

3.] Pagmatinabangon sa mga tigulang na ug sa mga buta, alalaye sila sa pagtabok ug pagsakay, ug palingkora sila sa imong gilingkoran. 

4.] Pagmatinabangon sa mga gibug-atan sa ilang mga gidala. 

5.] Panglimyo ug pagluto alang sa tawo nga masakiton. 

6.] Pagsulat, pagtxt, padalhe og card o tawagi sa telepono ug sa cp ang mga tawo nga nag-inusara. 

7.] Pasayloa ang tawo nga nakapasakit kanimo. Ug daghan pang uban…

“Pagkamaluluy-on ang akong gusto, dili mga halad” [Mateo 9:13]. [What pleases the Lord is kindness and not the offering of sacrifices].

Magmasaligon kita sa walay katapusan nga kalooy sa Dios kanato ug magmaluluy-on ug magmatinabangon kita sa atong isigkatawo. Sama nga kita gikaloy-an sa Dios, ang Dios naglantaw usab kanato nga kita magmaluluy-on sa uban. Amen…

God is love...

God bless us always...