Ang Akong Pamalandong [February 24, 2018] Mark 9:2-10...

2^nd SUNDAY OF LENT

Ikaduhang Dominggo sa Kuwaresma

Marcos 9:2-10

“Kini siya mao ang pinangga kong Anak. Pamati kamo kaniya.” [This is my beloved Son. Listen to him.]

Kung atong sabton pag-ayo kining maong sugo dili lamang alang sa tulo ka mga piniling tinun-an kondili alang usab kanatong tanan nga mitoo kang Cristo.

Ang kahimayaan nga gipadayag sa Dios diha sa nausab nga panagway ni Cristo or the transfiguration maato usab kini kon kita andam maminaw sa Iyang mga Pulong ug motuman niini.

Niining panahon kuwaresma, maningkamot kita sa pagbag-o sa atong kaugalingon labi na gayud sa paghatag og panahon nga makapaminaw og ayo sa mga Pulong sa Dios diha sa Ebanghelyo ug diha sa Iyang mga magsasangyaw.

Sa pagpaminaw, gamiton nato dili lamang ang atong mga dalunggan kondili ang atong kasingkasing usab.

Human masabti ug mapamalandungan ang mensahe sa Dios, ato kining puy-an sa inadlaw-adlaw natong kinabuhi. Alang kanako mao kini ang makapausab sa atong kinabuhi ug hulagway sa kalibutan. Lisud apan gikinahanglan. Amen…

God is love...

God bless us always...