Ang Akong Simpling Pamalandong [November 5, 2017] Matthew 23:1-12...
31st Sunday
in Ordinary Time
MATEO 23:1-12
Sa atong kapanahonan karon, una - ang mga tawo nga adunay taas nga naangkon sa edukasyon
kasagaran anaa sa taas nga posisyon tungod kay gituohan man nato sila sa daghan
nilang natun-an.
Ikaduha – kadaghanan kanato isip mga katawhan
mas mosunod sa mga tawong daghan ang natun-an.
Mao ng karong panahona daghan kanato ang naningkamot nga
makaangkon ug makakab-ot og taas nga edukasyon.
Kini ba gayud ang atong basihan? Kini ba gayud ang makatahag
sa tawo og kredibilidad?
Alang kanako aduna kini gamay nga kamatuoran.
Apan kung atong pamalandungan pag-ayo ang atong Ebanghelyo
karon, kini nagtudlo kanato nga ang
labaw sa tanan nga maghatag sa tawo og kredibilidad mao ang iyang binuhatan.
Gihulagway sa atong Ebanghelyo nga ang mga magtutudlo sa
Balaod ug ang mga Pariseo daghan og nahibaloan sa ilang pagtoon ug kanunay
silang nagwali, apan gisaway sila ni Jesus tungod kay wala man nila puy-i ang
ilang gipangwali.
Matud pa ni Herbert Spencer:
“The great
aim of education is not knowledge, but action.”
Atong kining hinumduman kanunay: ang mga tawo dali nga motoo
ug mosunod kanato kon ilang makita sa atong kinabuhi ang atong gipangtudlo.
Adunay panultihon nga naga-ingon: “kon ato nang gipuy-an ang
mga pagtulon-an, ang mga pulong dili na kinahanglan.”
God is love...
God bless us...
