Ang Akong Simpling Pamalandong [October 29, 2017] Matthew 22:34-40...
30th Sunday in Ordinary Time
MATEO 22:34-40
Ang mga Pareseo mapasigarbuhon kaayo tungod
sa ilang kahibalo sa balaod ni Moses ug ang mga buluhaton niini. Nahimo nila
nga gitun-an ang 613 ka mga pagtulun-an diha sa ilang tibuok kinabuhi.
Sa atong Ebanghelyo karon, ang mga kadagkoan
sa balaod mi suway pagpangutana kang Jesus kung nasayod ba gayod siya sa balaod
nga ilang natun-an ug nasabtan.
Ug dinhi atong nabati nga giusa ni Jesus ang
tibuok balaod sa duha ka importante kaayo: [Pinaagi sa ilang pangutana si Jesus
mitubag, Higugmaa
ang Ginoo nga imong Dios sa tibuok mong kasingkasing, kalag, ug hunahuna.
Kini ang labing dako ug ang labing importanting sugo. Ang ikaduha, Higugmaa ang imong
isigkatawo ingon sa imong kaugalingon].
Karon, unsa man ang han-ay sa gugma nga
gisugo ni Kristo kanato?
Ang labing una mao ang Dios. Higugmaon nato Siya “to the max” – sa tibuok
kasingkasing, sa tibuok kalag, ug sa tibuok hunahuna. Si Kristo nag-ingon,
“Kini mao ang pinakadakong sugo”, nga sa ato pa, ang Dios mao gyod ang labing
una sa atong kinabuhi. Esentro gayud nato ang Dios sa atong kinabuhi.
Ang sunod
mao ang isigkatawo. Higugmaon nato ang isigkaingon sama sa kaugalingon.
Atong bantayan nga ang “isigkaingon” nauna kaysa “kaugalingon” tungod kay subay
kini sa giingon ni Kristo, “Ang buot mosunod kanako, kinahanglan andam malimot
sa kaugalingon . . .”
Kon atong sundon kining maong han-ay – Una, ang Dios; ikaduha, ang isigkatawo, ug ang ikatulo, ang kaugalingon, magmalipayon ang katilingban.
Apan kon ato kining balihon – una, ang kaugalingon, ikaduha - ang isigkatawo, ug ikatulo - ang Dios – magubot ug
mag-antos ang kalibotan.
JOY – Jesus,
Others and Yourself…
Ang sumada niini: Love Jesus above all, Love one another and Love yourself… Amen…
God is love...
God bless us...
