Ang Akong Simpling Pamalandong [September 10, 2017]: Matthew 18:15-20
23rd SUNDAY IN ORDINARY
TIME
Ikakawhaag-tulo
Unsa
may nindot nga pamaagi aron mabalik ang maayo nga relasyon?
Sa
atong Ebanghelyo, si Jesus nagtudlo sa iyang mga tinun-an unsaon pagpabalik ug
pagluwas sa naguba nga relasyon. Ug kini gihulagway ni Jesus nga ang iyang mga
tinun-an dili nalang magpasagad ug dili mohunong, hinoon motabang, maningkamot
ug atubangon ang nagubang relasyon aron kini mabalik sa maayo.
Basi
sa Ebanghelyo, adunay upat ka mga pagtulon-an aron masulbad ug mabalik sa maayo
ang nagubang relasyon:
Una, deretsoha pagstorya ang tawo nga nasayop kanimo apan himoa
kini nga kamo rang duha ug sa hilom.
Usa
sa pinakalisud nga butang nga anaa kanato mao ang pagkabalaka sa atong nahimo
nga sayop o sa tawo nga nasayop kanato. Mao kini ang makapalibog ug makapagahi
sa atong hunahuna ug kasingkasing mao ng maglisud kita pagduol sa tawo nga maoy
nakaguba kanato.
Kung
gusto gayod nato mabalik ang maayong relasyon kinahanglan nga ato kining
buhaton pinaagi diha sa pag-atubang ug pagpakigstorya sa tawo nga nasayop
kanato. [Dili nato ibandilyo sa uban ug dili nato e post sa FB nga murag kining
tawhana dili nagayod mabag-0 ug ikaw ra gayud ang sakto]. Apan kon kini dili gihapon mahimo…
Ikaduha, pagdala og usa o duha ka tawo – tawo nga ligdong, makamao,
motabang, makasabot ug kasaligan, dili tawo nga modapig ug mohukom.
Ang
katuyoan dinhi dili aron pakaulawan ang nasayop nga tawo o dapigan ka sa tawo
nga imong gidala kondili aron makombensi ang nasayop, malamdagan ug makaamgo
siya sa iyang kasaypanan diha sa tabang sa tawo nga imong gidala ug pinaagi
niini mabalik ninyo ang inyong maayo nga relasyon. Apan kon kini dili gihapon mahimo…
Ikatulo, pangayo
og tabang sa kumunidad o sa simbahan.
Ato
kining hinumduman nga ang katuyoan dinhi mao ang pagsulbad ug pagluwas sa
naguba nga relasyon. Mao ng gikinahanglan nato ang tabang sa kumunidad o sa
simbahan aron adunay mag-ampo ug mangitag pamaagi. Kung atong pamalandungan ang
atong simbahan wala maglaglag ug magsalikway sa mga makasasala, tungod kay mao
man kini ang misyon sa simbahan. Kanunay nagaampo sa kabag-ohan, kaayohan,
kahiusan ug kalinaw lakip ang tanang katawhan sa kalibutan. Nagtuo man gud kita
nga sa pag-abot sa panahon adunay kabag-ohan ang tawo ug kitang tanan mahiusa
uban Kaniya. Apan kon kini dili
gihapon mahimo…
Ang
katapusan, dili kita mohunong ug mo-undang, hinoon
maningkamot kita ug mangita og pamaagi nga sa pag-abot sa panahon uban sa
grasya sa Ginoo kita gihapon ang magmadaogon.
Atong
hinudoman nga si Jesus nakig-uban sa mga makasasala ug sa mga kobrador sa
buhis. Ug matod pa ni Jesus nga ang walay sakit wala magkinahanglan og doctor
kondili ang masakiton lamang.
Karon,
kasayod kita nga walay makaikyas sa paghukom sa Ginoo, moabot gayod kini sa
katapusan. Nan, dili nato sayangon ang panahon ug higayon karon, samtang buhi
pa kita, dili ta mohunong ug mo-undang sa pagsulbad sa nasayop kanato, hinoon maningkamot
kita ug mangita og pamaagi nga sa pag-abot sa panahon uban sa grasya sa Ginoo
kita gihapon ang modaog og mabag-0, masulbad ug mamaayo na ang naguba nga
relasyon. Amen…
God is love...
God bless us...
