Ang Akong Simpling Pamalandong [September 16, 2017]: Matthew 18:21-35
24th SUNDAY IN ORDINARY TIME
Mateo 18:21-35
Ang atong Ebanghelyo karon, naghulagway kini sa
pagkamapasayloon sa atong Ginoo. Mapasayloon gayod ang Ginoo. He forgives to
the maximum. Ang Ginoo wala magtago og listahan kung kapila nata nakalapas ug
nasayop. Pasayloon gayud kita niya. He forgives and forgets. Dili niya balikan
ang mga kaniadto nato nga nabuhat nga mga sala. Kanunay niyang mahinudoman ang
atong mga kaayo. He always remembers our goodness.
Ang Ginoo naglaum gihapon sa makaayo kanato.
Kini naghulagway nga ang Ginoo mapasayloon gayod hangtud sa kahangturan.
Ang Sambingay nato karon maghatag kanato og duha ka
makadasig nga mga pagtulon-an.
Una, bisan unsa pa kabug-at ug kadako sa atong
mga sala, kanunay mo pasaylo kanato ang Ginoo. Kanunay siyang andam nga
mopasaylo kanato. Ang pagpasaylo sa Ginoo dili limitado, walay kondisyon ug
walay sukod.
Karon, kinahanglan nga kita usab mahisama kaniya diha sa
iyang pamaagi sa pagpasaylo sa mga tawo nga mangayog pasaylo kanato. Ang Ginoo
dili gayod mobalibad sa pagpasaylo, karon nganong dili man kita makapasaylo?
Nganong pugngan man nato ang pagpasaylo? Ang Ginoo walay mga kondisyon sa
pagpasaylo kanato, karon nganong daghan man kitay ipabuhat bag-o kita
magpasaylo?
Ikaduha, ang
pagtulon-an sa bersikulo 34 sa atong Ebanghelyo karon. Kini nag-ingon: “Nasuko
pag-ayo ang agalon ug gipapriso niya ang sulogoon aron silotan.” Kini
nagpasabot nga ang matag-usa kanato nga dili mopasaylo dili makasinati og kalipay
ug kalinaw sa pasaylo sa Ginoo. Ang dili makapasaylo dili usab makadawat sa
pasaylo sa Ginoo. Kung andam kita kanunay sa pagpasaylo dali ra usab kita
kaloy-an sa Ginoo. Kung mangayo kitag pasaylo sa uban, ang Ginoo kanunay nga
magmaloloy-on sa pagpasaylo kanato.
Andam naba kita sa pagpasaylo? Moduol naba kita kanila
karon? Makigstorya ba kita kanila pag-usab? Mapaubsanon ba kitang moduol kanila
ug moingon, “sorry, please pasayloa ko.” Matinud-anon ba kitang moingon nga,
“gipasaylo na kita, kalimti na ang tanan?” Buhaton ba nato kini o dili?
Atong kining pamalandungan ug buhaton aron panalanginan
kitang tanan sa Ginoo. “Wala gayuy pakyason ang Ginoo
sa tawo nga mangayog pasaylo.”Amen…
God is love...
God bless us...
