Ang Akong Simpling Pamalandong [October 15, 2017] Matthew 22:1-14...

28^th Sunday in Ordinary Time

Matthew 22:1-14

Ato kining hinumdoman kanunay: Walay lain katuyoan ang Ginoo kondili mao ang kaayohan ug kaluwasan sa tanan niyang katawhan. God desires everyone to enter the Kingdom of Heaven.

Karon, atong masabtan sa atong Ebanghelyo nga ang atong Kristohanong kinabuhi gipadayag ug gihulagway sa sambingay karon isip usa ka dakong kombira sa kasal.

Ang Dios Amahan mao ang hari nga nagdapit sa mga tawo sa pagsalmot ug pagtambong sa kasal sa Iyang Anak nga mao si Kristo.

Ang mga dinapit mao ang mga Judio, ug ang mga ni tambong mao ang mga Hentil [dili mga Judio] sa tibuok kalibutan.

Ang mga sulogoon mao ang mga propeta ug mga tinun-an ni Jesus nga nagsangyaw sa Maayong Balita.

Ang mga tawo nga gigapos ang mga kamot ug tiil mao ang mga tawong wala magsul-ob sa saktong bisti.

Ang pagtambong ug pagsalmot sa maong kombira ikalipay pag-ayo sa Hari; ang pagbalibad ug ang dili pagtagad sa maong imbitasyon maghatag kaniya og dakong kasubo.

Kon moduyog ug mosalmot kita sa kombira, gilauman kitang tanan nga magsul-ob og saktong bisti [Jesus’ righteousness].

Ang bisti nga gipasabot dinhi dili materyal kondili espiritwal. Si San Pablo nagdasig kanato sa pag-ingon: “Clothe yourself with compassion, kindness, humility, gentleness and patience...above all, love” (Col 3:12).

Ang “bisti sa kasal” diay mao ang mga mithi sa Ebanghelyo nga angay natong huptan ug batunan [Jesus’ righteousness] aron masinati nato ang kalipay sa pagpakig-uban sa Dios ug sa Iyang katawhan. Amen…

God is love...

God bless us...