Ang Akong Simpling Pamalandong [January 07, 2018] Mateo 2:1-12...

Solemnidad sa Epipaniya sa atong Ginoo

Epiphany of the Lord

Mateo 2:1-12

Gisaulog nato karong adlawa ang SOLEMNIDAD SA EPIPANIYA SA ATONG GINOO o Pangilin sa Tulo ka Hari o Pagpadayag ni Kristo sa mga Hentil. Epiphany – from Greek word: meaning “manifestation.” Sa atong pinulungan nagpasabot kini nga ‘nagpakita, nagpahibalo, nagpaila ug nagpamatuod kanato ang Dios ug kitang tanan gitawag niya aron pagtuo sa Iyang bugtong anak nga si Jesus. Ang Epiphany mao ang pagpadayag sa Ginoo nga Dios ug Tawo ngadto sa tanang katawhan sa tibuok kalibutan.

Unsa man ang nindot nga mensahe sa pagsaulog nato sa Solemnidad sa Epipaniya sa atong Ginoo? Kining maong solemnidad magpahinumdum kanato:

Una, nga si Jesus mao ang gugma nga gipadayag sa Dios Amahan.

Ikaduha, Siya mao ang Manluluwas dili lamang sa mga Hudiyo, kondili sa tanang tawo sa tibuok kalibotan, nga gisimbolo sa mga dumuduong gikan sa Sidlakan. Diha kang Jesus ang tanang tawo gidapit nga moapil sa dakong kumbira sa Dios.

Ang Ebanghelyo nato karon, nag-awhag kanato sa pagsunod sa panig-ingnan sa mga mago [tulo ka hari] nga mibiya sa ilang daang kinabuhi aron sa pagpangita sa Kahayag.

Sa pagsaulog nato sa Solemnidad sa Epipaniya sa atong Ginoo, atong biyaan ang atong daang kinabuhi ug sundon ang kahayag ni Cristo aron atong maangkon ang tinuod nga kalipay.

Dili unta kita mahisama kang Herodes nga nagpabilin sa kalaog ug nawad-an hinoon og kinabuhi. Amen…

God is love...

God bless us...